Dass iar an miner Siita stönnd, isch a Gschenk für mi.
Dank dem Kompass, wo iar miar geh hend, weissi immer wohii.
I bin dankbar für mini Familia und fühl mi bi eu dahai.
In guata wia in schlächta Ziita lahni eu nia allai.
So lang versuachi das eu endlich mal z säga.
Ohni eu wär so viiles eifach vergäba.

Iar bedütend miar so viil
Dank eu kummi an jedes Ziil
Iar sind für mi dah. I säga danka.
Das isch Liabi ohni Grenza und Schranka.

Dass iar hinter miar stönnd, isch z Beschta, wo miar hed könna gscheh.
Dank eu fühli mi nüma veelora und gnüsses jeda Tag meh.
Für eu gahni dur z Füür. Nüt isch dicker als Bluat.
Sit i weiss, dasses eu git, weissi alles kunnd guat.
So lang versuachi das eu endlich mal z säga.
Iar sind eifach z wichtigschta in minem Läba.

Iar bedütend miar so viil
Dank eu kummi an jedes Ziil
Iar sind für mi dah. I säga danka.
Das isch Liabi ohni Grenza und Schranka.