I hans würkli wella begriffa – i han miar Ziit für di gnoh.

Doch du bringsch mi zum verzwiffla - das grad am Afang scho.

Du seisch, wia guat du bisch und das ohni Fakta ufem Tisch.
Ständig druf erpicht, liabsch du glich nu di, wia jämmerlich.

Du bisch so grosskotzig, es tuad fascht weh,

und jedes Mal wenni di gseh,

denki was hed diar denn d Wält tah...

Du bisch so grosskotzig, es tuad fascht weh,

und jedes Mal wenni di gseh,

dass allna so ufa Sack muasch gah.

Kai Wunder, bsuachend üs d Aliens nid,

wenns uf dera Kugla so Figura wia di git.

Wenn das würklich d Krona vor Schöpfig isch,

verstahnis, dass d besser bliibsch wo d bisch.
Kai Wunder bsuachend üs d Aliens nid,

solangs di git.

Din Schiin heg nid trüügt – Au wenns diar niamert meh glaubt.
Corona isch a Lüüg und d Usländer a Dorn im Aug.

Du seisch: Dia scheiss Kind – söllend lerna statt demonstriera.
All na eis an Grind und gar nid wiiter diskutiera.

Du bisch so hasserfüllt, es tuad fascht weh,

und jedes Mal wenni di gseh,

denki was hed diar denn d Wält tah,

Du bisch so hasserfüllt, es tuad fascht weh,

und jedes Mal wenni di gseh,

dass du di so vo dinem Hass muasch triiba lah.