I han wieder mol a Gnusch und mini Termin vertuuscht.

An alles Unwichtiga denkt, aber komplett dri gruuscht.

Es tuad mr leid, gseht’s dah us als hätt a Bomba igschlaga.
Doch i han mini Situation überdenkt und han dra z naga,

dass mini Tröim und Visiona so schnell wieder vergönnd.

Es isch komisch das Gfühl, wenn si einem gar nid verstönnd.
So erwagsa wia i bin, sött doch alles wia am Schnuarli laufa.

Mini Fründa sind wiit wäg und i überlegg mr a Hund z kaufa.

Doch das tuad alles nüt zum Thema, drum frogi ganz nervös.
Bisch mr an soma Tag wia hüt, bitte nid bös?  ----- Denn:

I schwimma ufem Rugga – aber i schwimma noh.

I singa zwar vo dena Lugga – aber i singa noh.

Liigi schloflos im Bett – git’s hald wieder amol a kurzi Nacht.
Dr Bescht isch nid dä wo z letscht lacht, sondern dä wo wiitermacht.

Liaba Fründ, i han a Buach gschrieba, 50 hends poschtet.
I will nid jommera, aber es hed es Vermöga koschtet.
Kumm hani abschlossa mir Musig, kömmend d Froga ganz schnell.
Wenn git’s a neus Album oder du bisch dr Bluemoon, gell?

Z Gfühl ka noch Zoom sig das Füür für immer verschwunda.
Doch es isch zrugg ko und hed mi packt, in einsama Stunda.
Kai Ahnig was mora bringt, doch i han kai Luscht zum Untergah.
Weiss nid, obs stimmt, aber i hoff, i werda mi duraschlah.

Wenn niamert druf wartet, isch es am schönschta zum Zruggko.
Vo ganz una bis ganz oba, irgendwo strandi denn scho.

I schwimma ufem Rugga – aber i schwimma noh.

I singa zwar vo dena Lugga – aber i singa noh.

Liigi schloflos im Bett – git’s hald wieder amol a kurzi Nacht.
Dr Bescht isch nid dä wo z letscht lacht, sondern dä wo wiitermacht.