Wella Tag isch denn hüt? I weiss es ehrlich gseit nid.

Doch i weiss, dass du miar fählsch und im Prinzip
dräht sich mini Wält um di, sit i di denn troffa ha.
Du bisch dr Grund wieso i etz wieder Hoffnig ha.
I weiss, dass sich alles no zum Guata wendet
und i mit miar im Reina bin, wenn das alles endet.

Au jungi Seela tröimend mengmal gross.
Jungi Härza liabend immer bedingigslos.

I heba di fescht, wil dia Ziit so schnell vergaht.
I bin an dinera Siita, au wenn dini Wält mal untergaht.
Du kasch uf mi zähla, wil i’s diar da versprächa.
Das zwüscha üs kann nüt und niamert brächa.

Wia viil Stärna heds am Himmel? I han ehrlich kei Schimmer.
Doch du bisch min Star und das au no grad für immer.
Sona wohligs Gfühl im Buuch, wo i immer wieder bruuch
wenn du bi miar bisch, hani endlich wieder Schnuuf
für all das Züg, für all dia Lüt und ihri Problemli.
Egal wo i bi, es zücht mi immer wieder zu diar hi.

Au jungi Seela tröimend mengmal gross.
Jungi Härza liabend immer bedingigslos.

I heba di fescht, wil dia Ziit so schnell vergaht.
I bin an dinera Siita, au wenn dini Wält mal untergaht.
Du kasch uf mi zähla, wil i’s diar da versprächa.
Das zwüscha üs kann nüt und niamert brächa.