I han gliabt und gstritta.
I han gnossa und glitta.
I han alles vor Welt wella gseh
Doch denn am Strand nu Heiweh.
I han brüallt und glacht.
Vill plant und nüt gmacht.
I han so oft gredt in Moment wo i besser hed gschwiiga.
I liaba das Spiil, egal ob verlora, gwunna oder unentschiida.

I han nodenkt und vergässa.
Han gstresst und mi lah stressa.
Gmeint, i müassis allna bewiisa.
Doch i schick mi so nu selber in Kriisa.
Alles ka und viiles verschenkt.
Gedanka gmacht und gliich nid nohdenkt.
I han so oft gredt, in Moment, wo i besser hed gschwiiga.
I han jedes Spiil gliabt, egal ob verlora, gwunna oder unentschiida.

Doch so würkli glücklich kanni gar nid si,
will hüt fühli mi so ohni di
Nei, so stimmt das nid für mi.
Will hei, hüt vermissi di.

Wia gära würdi hüt mit diar teila
und dia Wunda könnti endli heila
Wia gära nehmi di nomal in Arm
Ohni di isch’s au im Summer nid warm.