Ab diner guata Luuna, kanni hüt nu stuuna.
Machsch so viili Witz, doch i lacha keis biz.

Es isch früah am Morga, di sött ma versorga.
Du gahsch mr ufa Geischt, nu dass es weischt.

I bin hald eifach so, mit Klass und Niveau.
Es wär nid verfrüaht, dass ma dr Stecker ziaht.
Wil dank dina Sprüch, gönnd Närva ind Brüch.
Meinsch, sigsch bi da Lüt, doch dini Musig isch nüt.

Alles tönt genau gliich, all das Glump hani scho tuusig Mal kört.
Drum flüügt dä Radio usem Fenschter, wil er dah ina eifach nu stört.

I will kai Striit, doch i bin scho so wiit.
Zum diar dr Tipp geh, d Luutstärki zrugg z neh.
Nai das rockt nid und niamert singt mit.
Ja, dini Musig, isch für di meischta gruusig.

KI- programmiert, hoffsch eswas passiert.

Härzbluat vergässa, us Desinteressa.

Kanni Liader nid verliida, tuani si besser miida.
Und nimm di alta füra, bevor i no duratrülla.

Vo Liftmusig hani etz d Schnauza voll.
I bruch etz Rock’n’Roll, alta Rock’n’Roll.
Es isch Ziit, dass endlich was passiert.
Drum hani mini Läderjagga montiert.
Radiomusig wird eifach mal blockt.
Denn i han hüt so richtig Bock uf Rock.