Di Einta sind uf Tinder, di Andera hend scho Kinder.

Jeda wett a Stück Glück, wil dr Schneller isch dr Gschwiinder.

Etz keihsch du wieder mal dri zwüscha Stüahl und Bänk.

Si seit, si hangi no z fescht am Ex. Das hed di kränkt.

Wieder bisch ufgwacht mit ma Kater, aber d Katz isch diar dervo.
Du verkrüchsch di in diar selber, es hed wenig Sinn eso.

Hesch alles richtig gmacht und gliich heds wieder nid klappt.

Du fühlsch di biz verarscht, es isch d Einsamkeit wo di plagt.

Lahn das Wiib doch spiina und mach dr kai Grind.  
Es kunnd eini, dia wird’s schätza, wo weniger spinnt.

Weisch doch, dass es für Liacht au immer Dunkelheit bruucht.
Z Läba gaht wiiter, au wenns di etz grad schluucht.

Denk dra.

Was immer du machsch, es isch eifach so.

Alles kunnd zrugg, grad wia es Echo.

Schick guati Gedanka usa und alles kann passiera.

Es isch Ziit zum wiiter macha und z Läba z zelebriera.

Du hesch solang dra gschafft, fascht alles richtig gmacht.

Kurz en klina Fähler gmacht und alli hend glacht.

Lahn si, irgendwenn lachend si mit diar anstatt über di.
Zeig na, wia dini Tröim flüüga lärnend. Es isch no lang nid verbi.

Jeda Afang isch schwär. Selta keihend Meischter vom Himmel.
Doch dis Wirka hinterlaht Spuura au usserhalb vo dim Zimmer.
D Wält kört da Macher und nid dena wo nur labberend.

Gib richtig Gas, wenn si di längscht abschriebend.

Ohni Fliis gits kai Priis. Z Positiva wird siega.  

Vom Schüaler zum Mentor in era eigana Liga.

Wer git, de kriegt – es hed alles sin Sinn.

Drum teil mit allna und du wirsch en King.