Si hend gseit, das isch a Hobby, wo nia Geld ind Kassa bringt.
Si hend gseit, i sig a Globi, wo für alli umaspringt.

Das hegi kai Zuakunft und sig doch eigentlich für d Katz.

I werdis denn scho no gseh, wia schnell de Traum zerplatzt.
Ir Musig werdi ma verarscht und sigi irgendwenn allai.

Doch i han nid ufgeh und dia ganza Erfolg mit hai.  

I han a grossa Buuch und mis Buuchgfühl tüüscht mi nid.
Wenni an mi glauba, isch das etz mini Ziit.
Scho viil z lang uf andri glost und mi abazücha lah.

So lang bini tumm gsi, doch etz kannis verstah.

I bin i und öpert andersch willi gar nid si.
I bin i und das isch z beschta für mi.

Wetsch öpis erreicha, muasch bissa statt streichla.
Hend si zu miar gseit. Au sig i für das nid bereit.
Han mit Qultur Gschicht gschrieba, bis si’s verstönnd.
Easy bewiisa, dass Tröim eifach so flüüga könnd.

Wil i dra glaubt han und für mini Lüt a Vorbild bin,

macht das etz Sinn und isch für alli en Gwinn.